Олон улсын Эмэгтэйчүүдийн баярыг тохиолдуулан “Back to the 80s&90s Disco/Crocus” хөтөлбөрийн хүрээнд Крокус эвент холл Австрийн алдарт Joy хамтлагийг Монголд урьж тоглуулсан билээ. Монголын тайзнаа анх удаа тоглолтоо хийсэн Joy хамтлагийн хувьд 1980, 90-ээд онд Австри, Европ, Азийн орнуудад хит болж байсан бөгөөд 2002 оноос ОХУ-ын Авто радиогийн “Disco 80” арга хэмжээнд оролцох болсон юм.
Joy хамтлагийн Монгол дахь айлчлан тоглолт 03-р сарын 07-ны өдөр Крокусийн тайзнаа ганцхан үдэш болсон бөгөөд тэд Монголд байх хугацаандаа Salm pub&bar-ийг сонгон үйлчлүүлжээ. Австрийн алдарт Салм брой амьд шар айраг нь тэдний эх орны бүтээгдэхүүн бөгөөд Монголд амьд шар айргаа амсан Салм пабын амтат хоолыг зооглосондоо таатай байгаагаа хэлж байлаа.
Мөн энэ үеэр Пянз цуглуулагчдын холбооны гишүүд Салм пабад цугларч хуучны пянз болон Joy хамтлагийн 1980, 1990-ээд онд хит болж байсан пянзан дээр гарын үсэг зуруулж дурсгалын зураг авхуулсан юм.