bd’s Монгол Барбекью нь 2005 оны 05 сарын 12-ны өдөр Улаанбаатар хотод нээгдсэн ба Монгол дахь Америкийн анхны франчайз ресторан юм. Энэхүү ресторан нь АНУ-ын муж улсуудад идэвхтэй өргөжин тэлж байгаа сүлжээ рестораны 28 дахь нь бөгөөд гадаадад буюу Монголд нээгдсэн анхных нь франчайз билээ. Уг сүлжээг Билли Доунс хэмээх америк хүн анх санаачлан байгуулсан бөгөөд бүх ресторан нь түүний овог, нэрний эхний үсгүүдээр BD’s /Billy Downs/ нэрлэжээ.

...Зооглох хоолоо өөрөө зохио...

Монгол барбекьюны түүхээс...

 
Монгол барбекью нь хэдэн зууны тэртээгээс үүсэлтэй юм. Монголын их хаад олон өдрийн турш аян дайнд мордох, ан гөрөө хийх үедээ олз омгоо мялаахаар цуглан, хурц илдээрээ мах, ногоог зомгол мэт хэрчиж зоогоо бэлтгэн, дүрэлзэн асч буй ил гал дээр бамбайгаа хөмрөн халааж, дээр нь хоолоо шаран зооглодог байжээ. Ийнхүү их хаад, түүний эрэлхэг дайчид хэсэг бүлгээрээ галын дэргэд суун халуун бамбай дээрээ шарсан зоогноосоо амтархан идэж наргидаг байснаас Монгол барбекьюны түүх эхэлсэн гэдэг.

Их хаадаас уламжлалт халуун бамбай дээрх зоогийг “bd’s Монгол Барбекью”-гийн гриллерүүдийн гарамгай чадвартай хослуулан жинхэнэ монгол барбекьюны амтыг үйлчлүүлэгч нартаа бид мэдрүүлж байна.