"Modern nomads 3" монгол хоолны ресторан нь "Номад Лежендс VIP club" нэртэйгээр байгуулагдсан. Ажил хэргийн лобби хийх, найз нөхдийн аминчхан яриа өрнүүлэх, зөвхөн халуун ам бүлээрээ байх хүсэлтэй үйлчлүүлэгчдэд зориулсан тавтай тухтай орчин бөгөөд өрөөнүүд нь зочин бүрийн хүсэл, сонирхолд нийцсэн нууцлагдмал, тусгаар, гадны саад, нөлөөллөөс ангид орчныг бүрдүүлсэн юм. Тийм ч учраас улс төр, нийгэм, урлаг соёлын салбарын олонд цуутай хүмүүс энэхүү ресторанаар үйлчлүүлэх нь элбэг байдаг. Номад Лежендсийн өрөөнүүд байнга “эзэнтэй” байдгийн учир нь тогооч нь зочиддоо л зориулж хоолоо “урлаж”, гарын бялуугаа барьдаг, зөөгч нар нь зөвхөн тэдэнд зориулж байнгын “халамж”-аа үзүүлдэг болохоор тэр гэдэг.