Номадсын сүлжээний хамт олон жил бүр Хөл бөмбөгийн аварга шалгаруулах тэмцээн зохион байгуулж шилдгүүдээ тодруулдаг уламжлалтай. Тэгвэл энэ жилийн “Nomads cup 2016” аваргын төлөөх тэмцээн өнгөрсөн Ням гарагт боллоо.
Компанийн нийт ажилчдын чөлөөт зөв боловсон өнгөрүүлж, жил бүр уламжлал болгон зохиогддог тэмцээнүүдийн оноог цуглуулахаас гадна баг тамирчдын авхаалж самбаа, ур чадварыг сорьж, нийт ажилчдыг идэвхжүүлэх зорилготой уг тэмцээнд энэ жил 14 багийн 140 тамирчин өрсөлдсөн юм. Тэмцээний тоглолтууд өрсөлдөөнтэй, сонирхолтой болж багийн дүнгээр “Модерн номадс 6” ресторан тэргүүлж 4 оноо, өргөмжлөл, алтан медаль, мөнгөн шагналын эзэд боллоо. Харин “Кавказ” рестораны баг 2-р байрт шалгарч мөнгөн медаль, Bd`s Mongolian barbeque рестораны баг 3-р байрт шалгарч хүрэл медаль хүртсэн бол тусгай байранд “Салм” салбар шалгарлаа.
“Nomads cup 2016” аваргын төлөөх тэмцээний “Шилдэг тоглогч”-оор “Кавказ” рестораны зөөгч Т.Энх-Амгалан, “Шилдэг хаалгач”-аар “Модерн номадс 6” салбарын тогооч У.Ганзориг нар шалгарсан юм. Хөл бөмбөгийн аварга шалгаруулах тэмцээнийг жил бүр уламжлал болгон зохион байгуулдаг бөгөөд энэ жилийн зохион байгуулагчаар Хүний нөөцийн алба болон “Феличита” рестораны менежер Х.Анхбаяр, “Bd`s Mongolian barbeque” рестораны менежер А.Энхчимэг нар хамтран зохион байгуулжээ.