Монгол улсын аварга тогооч шалгаруулах “Professional chef championship-2016” тэмцээн өнгөрсөн амралтын өдрүүдэд зохион байгуулагдлаа. Энэхүү тэмцээнд 200 гаруй тогооч оролцсоноос Номадсын сүлжээ “Bds Mongolian barbeque” рестораны тогооч Т.Түвшинжаргал амжилттай оролцон хос медаль болон Монголын Мастер Тогоочдын Холбооны нэрэмжит Алтан цомын эзэн, Шилдэг залуу алтан медалиар шагнагдлаа. Түүний хувьд шувууны махаар хийх хоолны төрөлд хүрэл медаль, амтлаг хоолны төрөлд мөнгөн медалийн болзол хангаж ийнхүү шагналын эзэн болсон юм.
ХХААЯ болон мэргэжлийн холбоодын хамтран зохион байгуулдаг Professional chef championship тэмцээн нь улсын хэмжээнд тогооч нарын ур чадварыг сорих, мэдлэг чадварыг дээшлүүлэх олон талын ач холбогдолтой юм. Оролцогчид Европ болон Монгол хоолны төрлөөр өрсөлджээ.
Манай тогооч Т.Түвшинжаргалын хувьд дотоодын 6, олон улсын чанартай 3 тэмцээнд шагналт байранд шалгарсан шилдэг тогооч нарын нэг юм. Тэрээр тогооч мэргэжил эзэмшихэд түүний эмээ болон ээж илүүтэй нөлөөлсөн гэж мэргэжлээрээ бахархан ярих дуртай. “Тогооч гэдэг маш хариуцлагатай мэргэжил. Нэг талаар хүний амь насанд ч хүртэл нөлөөлж чадах бөгөөд сайн ажиллаж чадвал бахархууштай сайхан мэргэжил шүү дээ” хэмээн сэтгэгдлээ хуваалцлаа.
Номадсын сүлжээний тогооч Т.Түвшинжаргалдаа баяр хүргэе!
1
2
3
4
5
6
7